ზუსტ და საბუნებისმეტყველო მეცნიერებათა ფაკულტეტი
ჰუმანიტარულ მეცნიერებათა ფაკულტეტი
სოციალურ და პოლიტიკურ მეცნიერებათა ფაკულტეტი
ფსიქოლოგიისა და განათლების მეცნიერებათა ფაკულტეტი
ეკონომიკისა და ბიზნესის ფაკულტეტი
მედიცინის ფაკულტეტი
იურიდიული ფაკულტეტი
„ევროპული და შედარებითი კონკურენციის სამართალი და პოლიტიკა“ (ECCLAP)
2024-2026 წლებში, ევროკავშირის Erasmus+ (Jean Monnet) პროგრამის ფინანსური მხარდაჭერით, თსუ-ს იურიდიული ფაკულტეტი ახორციელებს ჟან მონეს მოდულს - „ევროპული და შედარებითი კონკურენციის სამართალი და პოლიტიკა“ (European and Comparative Competition Law and Policy - ECCLAP).
მოდული ფოკუსირდება კონკურენციის სამართლითა და პოლიტიკით დაინტერესებულ მაგისტრანტებზე. მის ფარგლებში დაგეგმილ ღონისძიებებზე დასწრება ასევე თავისუფალია კონკურენციის სამართლით დაინტერესებული აკადემიკოსებისა და პრაქტიკოსებისთვის.
მოდულის ფარგლებში გთავაზობთ:
- მაგისტრატურის სასწავლო კურსს „ევროპული და შედარებითი კონკურენციის სამართალი“ (6 კრედიტი; 30 საკონტაქტო საათი/ლექცია + 30 საათი ტრენინგი)
- ვებინარების სერიას კონკურენციის სამართლისა და პოლიტიკის აქტუალურ საკითხებზე (4 ვებინარი სემესტრში, 1.5 საათის ხანგრძლივობით)
- დისკუსიებს კონფერენციებისა და მრგვალი მაგიდის ფორმატში, ქართული კონკურენციის სამართლის თანამედროვე გამოწვევებზე (1 კონფერენცია/მრგვალი მაგიდა წელიწადში, 4-6 საათის ხანგრძლივობით)
- იმიტირებული სასამართლო პროცესების სერიას ევროპულ და შედარებით კონკურენციის სამართალში (1 იმიტირებული სასამართლო პროცესი წელიწადში, 2-4 დღის ხანგრძლივობით)
მოდულს უძღვება სასექსის უნივერსიტეტის (დიდი ბრიტანეთი) კონკურენციის სამართლის ლექტორი და თსუ-ს იურიდიული ფაკულტეტის მოწვეული ლექტორი - დოქტორი ლიანა ჯაფარიძე. ღონისძიებების შესახებ ინფორმაციის ელ-ფოსტით მიღების მსურველებს შეუძლიათ, დაუკავშირდნენ მოდულის კოორდინატორს ელ-ფოსტაზე liana.japaridze@tsu.ge